ហេតុ​អ្វីរឿង​ហុងកុង​ថតនៅកម្ពុជា ពាក់ឯកសណ្ឋានតំរួតថៃ ?​

ចម្ងល់ខាងលើនេះ បានផ្តើមចេញពីទស្សនិកជន ដែលលេង​បណ្តាញសង្គមហ្វេសប៊ុក ក្រោយផេក Daily Report បានLive សកម្មភាពថតរឿង «​​​T​​​h​​e​​​ ​​​C​​​o​​​d​​​e​​​ ​​​o​​​f​​​ ​​​S​​​i​​​e​​m​​​ ​​​» ដែលបានបោះទុនចំនួន ២លានដុល្លារ​អាម៉េរិកដើម្បីថតនៅកម្ពុជា ។

ប្រភេទរឿងខាងលើ ជារឿងបែប​​វា​​​យ​​​ប្រ​​​ហា​​​រ​​​ ​​​(​​ ​​​A​​​c​​​t​​​i​​o​​​n​​​ ​​​M​​​o​​​v​​​i​​​e​​​​​ ​​​)​​​ ដែលចាត់ទុកជារឿងធំទី​២ ចូលមកទឹកដីកម្ពុជា បន្ទាប់ពីរឿង អ្នកស្រី អេនជែលីណា ជូលី ក្រោមចំណងជើងថា «First They Killed My Father» ។​

ក៏ប៉ុន្តែជុំវិញការថតរឿងខាងលើ ដែលពាក់ឯកសណ្ឋានតំរួតថៃ បានធ្វើឲ្យអ្នកលេងបណ្តាញសង្គម ដែលងប់និងគាំទ្រលើវប្បធម៌អរិយធម៌ខ្មែរ បានលើកហេតុផលថា ហេតុអ្វីរឿងហុងកុង ថតនៅកម្ពុជា បែរជា​ពាក់ឯកសណ្ឋានតំរួតថៃទៅវិញ ? ចម្ងល់នេះបានបង្កការចាប់អារម្មណ៍ យ៉ាងខ្លាំង និងជាប្រធានបទដ៏ក្តៅគគុក នៅព្រឹកថ្ងៃសៅរ៍ ទី​២៤ ខែមិថុនា ឆ្នាំ​២០១៧ ខណៈដែលរឿងនេះកំពុងថតនៅម្តុំទួលទំពូងនោះ ។​

មានការលើកតៗគ្នាថា បើទោះបីជារឿងនេះជារឿងរបស់ហុងកុងក៏ដោយ បើថតនៅកម្ពុជា ហើយមានតំរួត​អ៊ីចឹងទៀត គឺគេត្រូវពឹង​ទៅលើ ដែនសមត្ថកិច្ច ក្នុងប្រទេសនោះឲ្យជួយ បើមានករណីស៊ើបអង្កេត បើមិនមែនយកតំរួតថៃ មកថតនៅលើទឹកដីកម្ពុជានោះទេ។​

មានការលើកបន្តថា នៅ​តែ​ឆ្គ​ងទោះ​ជា​ឆ្ល​ង​ដែ​ន​តា​ម​ចា​ប់​ក៏​ត្រូ​វ​ពា​ក់​ធ​ម្ម​តា​មិ​ន​មែ​ន​ឈុ​​តប៉ូ​លិ​ស​ទេ​​ ​តា​ម​ខ្ញុំធ្លា​ប់​មើល។​ និងមានលើកហេតុផលថា ចាំតាមដានសាច់រឿងសិនទៅថាតើរឿងមានការពាក់ព័ន្ធជាមួយប៉ូលីសថៃទេ? អ្នកដឹករឿងស្រុកគេមានវិជ្ចាជីវះ ចឹងប្រហែលជាមានហេតុផលគេហើយមើលទៅ កុំទាន់ចេញប្រត្តិកម្មអីណា។ និងមានការលើកហេតុផលថា ខ្ញុំមើលរឿងច្រើនហើយ! កាលដែលគេឆ្លងដែនទៅប្រទេសផ្សេង គឺគេត្រូវពឹងពាក់ឲ្យប៉ូលីសប្រទេសនោះ ជាអ្នកចាត់វិធានការ ។ ទាំងនេះគឺជាសំណេរ អ្នកលេងហ្វេសប៊ុក។​

បើតាមបទសម្ភាស​ន៍ជាមួយតារាម្នាក់ ដែលមានវត្តមានក្នុងការថតរឿងនោះ បានប្រាប់ Daily Report យ៉ាង​ខ្លីថា «ប្រហែលគេយកស្រុកខ្មែរថតជំនួស​ដីថៃហើយ» ។ លោកថា សម្រាប់ព័ត៌មានលម្អិត​លោកមិនដឹងនោះទេ អ៊ីចឹងហើយ លោកអាចឆ្លើយបានតែប៉ុណ្ណឹងនោះទេ ស្របពេលដែលលោកដឹងថា សាច់រឿងទាំងមូលគេនិយាយពីឃាតកម្មនោះ ៕​