ពេលនេះ តារាសម្តែងរូបស្រស់គួរឱ្យខ្នាញ់ តូតា កាន់តែមានប្រជាប្រិយភាពនៅក្នុងសិល្បៈជាពិសេសនាងទទួលបានការងារជាច្រើន ទាំងការថតស្ប៉ត និង រឿងខ្នាតធំជាច្រើន ។ អ្វីដែលកត់សម្គាល់នោះ មួយរយៈកន្លងមកនេះ តូតា ងាកមកតុបតែងខ្លួនបែបសិចស៊ី តែយ៉ាងណានាងបានប្រាប់ថា មិនខ្វល់ ព្រោះនាងមិនបានស្លៀកពាក់បែបនេះក្នុងកម្មវិធីសិល្បៈនោះទេ ។ ក្នុងនាមជាតារា ដែលមានឈ្មោះបោះសម្លេង ស្រីស្អាត តូតា ត្រូវបានគេចាត់ទុកជាតារាដែលនិយមប្រើប្រាស់ជីវិតរស់នៅបែបហ៊ឺហា និង កាលីប មិនថាការប្រើប្រាស់សម្ភារៈ និង ការដើរកម្សាន្តនៅតាមតំបន់រមណីយដ្ឋាននានាទាំងក្នុង ស្រុក និង ប៉ែកអឺរ៉ុបនោះទេ ។ អ្វីដែលធ្វើឱ្យគេចាប់អារម្មណ៍នោះ មួយរយៈចុងក្រោយនេះ តូតា ចូលចិត្តការតុបតែងខ្លួនបែបកាលីបៗ និង ទាន់សម័យ ។ ជាពិសេសនៅ ពេលទៅកម្សាន្តនៅមាត់សមុទ្រ តូតា តែងតែបង្អួតសម្រស់ជាមួយឈុតប៊ីគីនី ធ្វើឱ្យបុរសៗជាច្រើនលួចខ្នក់ខ្នាញ់ ស្រលាញ់នាងមិនតិចនោះទេ ។ តែក្នុងនោះ ក៏មានការរិៈគន់ពីសំណាក់មហាជនមួយចំនួនផងដែរ ។ ទាក់ទងនឹងរឿងនេះ តូតា ធ្លាប់អះអាងថា នាងអត់ខ្វល់ និង ចាប់អារម្មណ៍ពីការរិៈគន់អីនោះទេ ។ ព្រោះនាងស្លៀកពាក់បែបនេះ នៅពេលទៅដើរលេងជាលក្ខណៈឯកជន ឬ កម្មវិធីជួបជុំមិត្តភក្តិក្រៅសិល្បៈតែប៉ុណ្ណោះ នាងមិនមែនស្លៀកទៅចូលរួមក្នុងកម្មវិធីសិល្បៈនោះទេ ។ ការតុបតែងខ្លួន បែបសិចស៊ីរបស់តូតា ស្របពេលនាងសារភាពថា មានអ្នកពិសេស តែពេលនេះកំពុងស្វែងយល់ចិត្តថ្លើមគ្នា ។ សម្រាប់ឆ្នាំ ២០១៧ នេះ តូតា ក្តោបបានការងារសិល្បៈជាច្រើន ដែលមានទាំងការសម្តែងរឿងភាគខ្នាតធំ និង ថតស្ប៉តពាណិជ្ជកម្មជាបន្តបន្ទាប់ ដែលមាន ទាំងក្នុង ស្រុក និង ក្រៅស្រុក ៕
តូតា អត់ខ្វល់ពាក្យរិៈគន់ សំខាន់អូនស្អាត !
No comments:
Write comments