ក្រោយពីបង្ហាញមុខសារជាថ្មីនៅក្នុងរឿង «ទឹកចិត្តអ្នកម្តាយសម័យថ្មី» អ្នកនាង អម្ពរ ទេវី កាន់តែទទួលបានការ ចាប់អារម្មណ៍ពីសំណាក់មហាជន ជាពិសេសជីវិតឯកជនរបស់អ្នកនាង ដែលរស់នៅសហរដ្ឋអាមេរិក ។ កាលពីពេលថ្មីៗនេះ គេបានឃើញអ្នកនាង អម្ពរ ទេវី បង្ហាញរូបភាពជាច្រើនសន្លឹក ដែលអ្នកនាង និង ស្វាមី រួមទាំងកូនស្រី បាននាំគ្នាទៅដើរកម្សាន្ត ។ មិត្តភក្តិ ដែលបានស្គាល់អ្នកនាងបានសរសើរថា ជីវិតគ្រួសាររបស់អតីតតារាសម្តែងជើងចាស់រូបនេះ ពិតជាផ្អែមល្ហែមគួរឱ្យច្រណែន ។ ជារឿយៗអ្នកនាង អម្ពរ ទេវី តែងតែបង្ហាញពីជីវិតឯកជនរបស់អ្នកនាង ដោយបានបង្ហោះរូបភាពជាច្រើនសន្លឹក តាមបណ្តាញសង្គមហ្វេសប៊ុក ដែលថ្មីៗនេះអ្នកនាង និង ក្រុមគ្រួសារបាននាំគ្នាទៅកម្សាន្តនៅ Coeur d’Alene Idaho ដោយមានការជិះទូកកម្សាន្តយ៉ាងសប្បាយរីករាយ ក្នុងនោះគេសង្កេតឃើញ អ្នកនាង អម្ពរ ទេវី បានតុបតែងខ្លួនយ៉ាងស្រស់ស្អាតជាមួយនឺងឈុតរ៉ូប ដែលមានពណ៌ដូចគ្នា ជាមួយកូនស្រីរបស់ខ្លួន ។ មានអ្នកខ្លះបានសរសើរថា ទោះបីជាមានវ័យច្រើនក៏ពិតមែន តែរូបសម្រស់របស់អ្នកនាង អម្ពរ ទេវី នៅតែស្អាតខ្ញង់ អ្នកនាងពិតជាពូកែថែសម្រស់មែន ។ តាមរយៈរូបថតទាំងនេះ គេបានសង្កេតឃើញថា អតីតតារាសម្តែងរូបនេះ កំពុងរស់នៅយ៉ាងមានក្តីសុខជាមួយស្វាមី និង កូនៗរបស់អ្នកនាងនៅសហរដ្ឋ អាមេរិក ។ ក្នុងនោះក៏មានការចង់ឃើញអ្នកនាង អម្ពរ ទេវី វិលមកចូលប្រលូកក្នុងសិល្បៈជាថ្មីម្តងទៀត ។ ក្រោយពីអ្នកនាងបង្ហាញមុខនៅក្នុង រឿង «ទឹកចិត្តអ្នកម្តាយសម័យថ្មី»ដែលជាស្នាដៃនិពន្ធរបស់អ្នកស្រី ពាន់ ភួងបុប្ជា ។ រឿងនេះទទួលបានការចាប់អារម្មណ៍ខ្លាំងពីសំណាក់ មហាជនគ្រប់ស្រទាប់ ៕
No comments:
Write comments